کشمیر بنے گا پاکستان :اج پورے ملک وچ یوم یکجہتی کشمیر منایا جا رہیا اے
اسلام آباد (پنجابی میڈیا گروپ)کشمیر بنے گا پاکستان”، مظلوم کشمیریاں دے نال اظہار یکجہتی لئی پاکستان سنے دنیا بھر وچ یوم یکجہتی کشمیر منایا گیا ، ملک بھر وچ یوم یکجہتی کشمیر دی مناسبت دے نال تقاریب دا انعقاد کیتاگیا، مظفرآباد وچ یکجہتی کشمیر دی مرکزی تقریب کوہالہ پل اتے ہوئی جہدے وچ طلبہ و طالبات، سیاسی جماعتاں تے سول سوسائٹی دے نمائندگان نے انسانی ہتھاں دی زنجیربنا کے کشمیر دی آزادی لئی جدوجہد جاری رکھن دے عزم دا اظہار کیتا۔ ایس موقع اتے چاراں صوبیاں سنے گلگت بلتستان دے وزراء نے خصوصی شرکت کیتی۔ ملک بھر وچ صبح 10 وجے اک منٹ دی خاموشی وی اختیار کیتی گئی، اسلام آباد، مظفرآباد سنے چاراں صوبائی دارالحکومتاں وچ سیمینارز تے جلسے جلوساں دا اہتمام کیتا گیا۔پاکستانی قوم 31 برساں توں یوم کشمیر منا رہی اے جہدا مقصد کشمیری عوام دے نال اظہار یکجہتی کرناتے ایہہ باور کرانا اے کہ کشمیر پاکستان دی شہ رگ اے۔





















