غزل

جان کاشمیری

عشق سلامت، پاٹے گلمے سِل سُل جانا وارے نئیں
مینہ دے سینے ہنجواں دا ایہہ مِل مُل جانا وارے نئیں
جھوٹی اَنا دا بھیڑا بھانڈا وچ بازارے پُھٹ دا اے
زخم پرانے جاندے جاندے چِھل چُھل جانا، وارے نئیں
ہر شے جگ دی روح دے باہجوں پھکّی پھکّی لگدی اے
اوہدے ہسن توں پہلاں پُھل دا کِھل کُھل جانا وارے نئیں
پیار دا چسکا انج دا چسکا کھانے پیندے لکھاں تیر
موت دے خوفوں اپنی جگہ توں ہِل ہُل جانا وارے نئیں
واج ودھیری نکلی جاوے خالی بھانڈا جے ہووے
سامنے سب دے ہار کے بازی کِل کُل جانا وارے نئیں