نیب نوں بند کرن دا فائدہ صرف اشرافیہ نوں اے، جاوید اقبال

پشور( پنجابی میڈیا گروپ)قومی احتساب بیورو(نیب) دے چیئرمین جسٹس ریٹائرڈ جاوید اقبال ہوراں آکھیا کہ نیب نوں بند کرن دا فائدہ صرف اشرافیہ نوں اے۔
پشور وچ تقریب نال خطاب کر دیاں چیئرمین نیب نے آکھیا کہ نیب دے خلاف ہمیشہ ایک پروپیگنڈا رہیا، نیب دے خلاف ہمیشہ الزامات لگائے جاندے رہے نیں، نیب اپنے طریقہ کار دے تحت کم کردا اے، نیب تتے میری ذاتی دلچسپی صرف پاکستان توں لُٹیاہوئیا پیسہ واپس لیانا اے،90فیصد کیس ایسے لوکاں دے نیں جنہاں نوں میں جاندا وی نہیں ۔ احتساب دے عمل نوں شفاف بنان دے عمل اُتے یقین رکھدے نیں۔جاوید اقبال ہوراں آکھیا کہ نیب نہ بتی تے گیس دا ذمہ داراے تے نہ ہی ایف بی آر دی پالیسی اُتے کوئی کم اے،اسیں اج تک کسی توںنہیں پچھیا کہ سرمایہ کاری لئی پیسے کیتھوں آئے، کجھ لوکاں نے چائے دی پیالی وچ طوفان لیان دی کوشش کیتی، تاجراں نوں یقین نال آکھدا واں کہ کاروبار چلے گا تے ملکی معیشت چلے گی۔

اپنا تبصرہ گھلو