اپوزیشن جتنے مرضی لانگ مارچ کرلئے مڈٹرم چنائو نہیں ہون دیاں گے: چوہدری سرور
لہور(پنجابی میڈیا گروپ)گورنر پنجاب چوہدری محمد سرورداآکھنا اے کہ اپوزیشن ون ،ٹو تھری، فورجتنے مرضی لانگ مارچ کرلوے مڈ ٹرم چنائو نہیں ہون گے۔ تفصیلات دے مطابق گورنرپنجاب چودھری محمد نے اپنے اک بیان وچ اپوزیشن دے جلسیاں، دھرنیاں تے لانگ مارچ دے بیانات توں متعلق گل کردیاں ہویاں آکھیا اے کہ اپوزیشن دے درجناں لانگ مارچ دے نال وی الیکشن 2023 وچ ای ہون گے۔ اپوزیشن سینیٹ انتخابات وچ ہارس ٹر یڈنگ دا تسلسل چاہندی اے اسیں ایہدا خاتمہ چاہندے آں۔چودھری سرور ہوراں نے مزیدآکھیا اے کہ سینیٹ چنائو وچ ہارس ٹریڈنگ روکن لئی آرڈیننس قومی امنگاں دی ترجمانی اے۔ ہارس ٹریڈنگ دے خاتمے دے نال پاکستان وچ جمہوریت تے پارلیمنٹ مضبوط ہووے گی۔ گورنرپنجاب نے مزیدآکھیا اے کہ ہر ایشو وچ اداریاں نوں سیاست وچ گھسیٹنے دا اپوزیشن دا رویہ ملکی مفاد وچ نہیں۔
Load/Hide Comments





















