فیصل واوڈانوں50 ہزار روپے جرمانہ

اسلام آباد ( پنجابی میڈیا گروپ)الیکشن کمیشن آف پاکستان نے نااہلی کیس دی سماعت کردیاں ہویاں پاکستان تحریکِ انصاف دے رہنما و وفاقی وزیر فیصل واوڈا نوں اگلی سماعت اتے ذاتی حیثیت وچ طلب کر لیاجدکہ کیس دے بار بار التوا اتے فیصل واوڈاتے 50 ہزار روپے جرمانہ وی عائد کر دتا۔چیف الیکشن کمشنر سکندر سلطان راجہ دی سربراہی وچ 5 رکنی بینچ نے سماعت کیتی۔دورانِ سماعت فیصل واوڈا دے وکیل محمد بن محسن کمیشن دے ساہمنے پیش نہیں ہوئے۔معاون وکیل حسنین علی چوہان نے دسیا کہ فیصل واوڈا دے وکیل محمد بن محسن لہور وچ عدالت وچ مصروف نیں، لہذا اج لئی کیس توں التوا دتا جاوے ۔الیکشن کمیشن نے فیصل واوڈا دے وکیل ولوں التوا دی درخواست اتے اظہارِ برہمی کیتا۔ممبر الیکشن کمیشن الطاف ابراہیم قریشی نے آکھیا کہ کیس دی سماعت اتے التوا منگن دا ایہہ کوئی طریقہ نہیں۔

اپنا تبصرہ گھلو