بھارتی فوج وچ اختلافات ودھ گئے 2 جنرنیل آپس وچ ای لڑ پئے

نئی د ہلی (پنجابی میڈیا گروپ)پاکستان اتے حملے کرن تے گْھس کے مارن دی گیدڑ بھبکیاں دین والی بھارتی فوج دے آپسی اختلافات ای شدت اختیار کر گئے۔ بھارتی میڈیا نے اپنی ای فوج دا بھانڈ ا پھوڑ دتا۔ بھارتی جنرلز آپس وچ ای لڑ پے۔ کمانڈر لیفٹیننٹ جنرل تے لیفٹیننٹ جنرل نے اک دوجے اتے سنگین الزامات عائد کیتے نیں۔لیفٹیننٹ جنرل کلیر آرمرڈ نوںر آفیسر جدکہ لیفٹیننٹ جنرل ریپسوال انجینئر اے۔ دوواں جنرلز دا تعلق مشہور فوجی خانداناں دے نال اے ،انکوائری عدالت جنوب مغربی کمانڈ دے کم تے ایہناں دوواں سینئر افسران دے وچکار پائے جان والے اختلافات دا ایس کمانڈاتے پین والے اثر دا جائزہ لوے گی۔ اختلافات شدت اختیار کرن تے لڑائی ودھن تے انڈین سینٹرل آرمی کمانڈ نے معاملے دی اعلیٰ سطحی چھان بین کروان دا حکم دے دتا اے۔چھان بین سینٹرل آرمی کمانڈر لیفٹیننٹ جنرل آئی ایس چمن کرن گے۔

اپنا تبصرہ گھلو