زرعی ترقی لئی بزدار نے انقلابی کم کیتے، فردوس عاشق اعوان

لہور(پنجابی میڈیا گروپ)وزیراعلی پنجاب عثمان بزدار دی معاون خصوصی ڈاکٹر فردوس عاشق اعوان دا کہنا اے کہ زراعت دے شعبے وچ ترقی لئی بزدارسرکار نے انقلابی اقدامات کیتے نیں۔ سماجی رابطے دی ویب سائٹ ٹوئٹر اتے اپنے اک بیان وچ وزیراعلی پنجاب دی معاون خصوصی ڈاکٹر فردوس عاشق اعوان نے آکھیا کہ بزدار سرکار وچ پنجاب دی پہلی زرعی پالیسی منظور کیتی گئی اے۔وزیراعظم عمران خان دے زرعی ایمرجنسی پروگرام دے تحت زرعی ترقی، کاشتکاراں دی خوشحالی لئی 300ارب روپے دے منصوبیاں دا آغازکیتا گیا اے، ماڈل زرعی منڈیاں دے قیام لئی 21ارب 27 کروڑ روپے دا منصوبہ بنایا گیا اے۔فردوس عاشق نے آکھیا کہ پنجاب سیڈ کونسل دے تحت مختلف فصلیاں دی102 نئی اقسام کاشت لئی منظور ی گئیاں نیں۔، کاشتکاراں نوں61ارب روپے دے بلاسود قرضے جاری کیتے گئے نیں۔

اپنا تبصرہ گھلو