مقبوضہ کشمیر نوں ’’بھارتی کشمیر‘‘ لکھن دا امریکی بیان مایوس قرار

اسلام آباد( پنجابی میڈیا گروپ) پاکستان نے ’’بھارتی کشمیر‘‘ لِکھ کے ٹویٹ کرن دا معاملہ امریکی محکمہ خارجہ نال چُک دتا۔ پاکستان نے مقبوضہ کشمیر وچ فور جی انٹرنیٹ سروس دے دوباہ آغاز بارے ا مریکی بیان نوں مایوس کن قرار دے دتا۔ ترجمان دفتر خارجہ زاہد حفیظ چودھری آکھیا امریکی محکمہ خارجہ دا بیان جموں و کشمیر دی متنازعہ حیثیت نال متصادم اے، کشمیر دا تنازع اقوام متحدہ وچ دیرینہ مسئلے دی حیثیت رکھدا اے۔ ترجمان دفتر خارجہ نے زور دتا مسئلہ کشمیر نوں اقوام متحدہ دی قرارداداں دے مطابق حل کرن دی کوشش کیتی جائے، بین الاقوامی برادری مقبوضہ کشمیر وچ انسانی حقوق دی پامالی روکن لئی بھارت تے زور پاوے۔پچھلے دیہاڑ امریکی اسٹیٹ ڈپارٹمنٹ ولوں کیتی گئی اک ٹویٹ وچ خطے دی متنازع حیثیت دا ذکر نہیں کیتا گیا اے۔ امریکی محکمہ خارجہ نے حقائق دے برعکس ٹویٹ کرائی جہدے وچ ’’بھارت دا جموں کشمیر‘‘ لکھیا گیا اے۔

اپنا تبصرہ گھلو