آئی ایم ایف دے تعاون نال نجکاری لئی قنون سازی، مسودہ اگلے ورھے پیش کیتا جاوے گا

کراچی: سرکاری اداریاں وچ شفافیت تے فعال بنان دے نال نجکاری بارے قنون سازی شروع کر دتی گئی ، آئی ایم ایف دستاویزات دے مطابق مسودہ اگلے ورھے پیش کر دتا جاوے گا۔ سرکار آئی ایم ایف دے تعاون نال سرکاری اداریاں لئی نویں قنون سازی کرن جا رہی اے، نواں قنون ستمبر 2020تک پورا کر لیا جاوے گا۔

آئی ایم ایف دستاویزات دے مطابق سرکار نے وفاقی اداریاں دی اصلاحات تے کم شروع کر دتا اے جہدے نال ادارے فعال تے ایہناں وچ شفافیت ودھے گی۔ حکومت دو ایل این جی پاور پلانٹس دی نجکاری لئی مالیاتی مشیر تعینات کر چکی اے، جون 2020ء تک دوواں پلانٹس فروخت کر دتے جان گے۔

ایہدے علاوہ پی آئی اے تے سٹیل ملز لئی غیر ملکی آڈیٹرز جلد ای رپورٹاں تیار کر لین گے تے بعد وچ ایہناں اداریاں دی نجکاری دا عمل شروع کیتا جاوے گا جہدے لئی غیر ملکی کمپنیاں نال گل بات جاری اے۔