25 ورھے سروس لازمی قرار: رضاکارانہ ریٹائرمنٹ اُتے پابندی عائد

اسلام آباد( پنجابی میڈیا گروپ)وفاقی وزارت خزانہ نے25ورھے سرکاری سروس مکمل کیتے بغیر رضاکارانہ ریٹائرمنٹ اُتے پابندی عائد کر دتی ۔ وزارت خزانہ نے48وزارتاں تیڈویژ ناں نوں سرکلر جا ری کردتا۔ سرکاری قواعد دا حوالہ دیندیاں ہوئیاں وزارت خزانہ نے وزارتاں تے ڈویژناں نوں آگاہ کیتا کہ ایس قنون اُتے پیرا5دے تحت کوئی وی سرکاری ملازم25ورھے دی سروس مکمل کرن توں بعد ہی رضاکارانہ ریٹائرمنٹ لے سکدا اے۔وزارت دے نوٹس وچ ایہ گل آئی اے کہ بہت ساریاں وزارتاں وچ اوہناں دے قواعد دے خلاف ریٹائرمنٹ لئی درخواستاں دتیاں گیاں جناں نوں قبول کر لیا گیا تے بعد وچ اوہناں ملازماں نوں پنشن لین وچ مشکلاں دا ساہمنا کرنا پئیا، وزارت نے سرکاری ملازماں تے وزارتاں دے پرنسپل اکائوٹنگ افسراں (وفاقی سیکر ٹر ی)نوں آگاہ کیتا اے کہ مستقبل وچ25ورھے دی سروس مکمل کیتے بغیر کوئی ملازم اگر رضاکارانہ ریٹائرمنٹ دی درخواست دئییگا تے اوس نوں قبول نہیں کیتا جائیگا

اپنا تبصرہ گھلو