سوشل میڈیا اُتے خیبرپختونخوا اسمبلی دی خاتون رکن دی ٹک ٹاک ویڈیوکا چرچہ
پشور( پنجابی میڈیا گروپ) سوشل میڈیا اُت اک خاتون دی ٹک ٹاک وڈیو دے چرچے نیں جیہڑے خیبر پختونخوا توں تحریک انصاف دی رکن صوبائی اسمبلی مومنہ باسط دی جڑواں بہن اے لیکن صارفین خاتون نوں مومنہ باسط ہی سمجھ رہے نیں۔
سوشل میڈیا اُتے اک ٹک ٹاک ویڈیو وچ موجود خاتون دی خوبصورتی دے خوب چرچے کیتے جارہے نیں، ایس وڈیو وچ قدرے مغربی لباس پہنے اک خاتون اپنے چہرے اُتے ماسک لگائے ہوئے تے دبئی وچ بنائی گئی ایس وڈیو وچ اک ہیئرڈریسر خاتون دے بال سنوار رہیا اے جد کہ پس منظر وچ اک گانا وی سنیا جاسکدا اے۔
وڈیو نوں ویکھ کے اینج لگدا اے کہ ایس وچ نظر آن والی خاتون کوئی ہور نہیں بلکہ تحریک انصاف دی رکن خیبر پختونخوا اسمبلی مومنہ باسط نیں۔ لیکن حقیقت وچ ایہ خاتون مومنہ باسط نہیں بلکہ اوہناں دی جڑواں بہن اقصی باسط نیں، جیہڑی ہو بہو اوہناں ورگی اے
سوشل میڈیا صارفین دی اکثریت اقصی باسط نوں مومنہ باسط سمجھ کے اوہناں دی خوبصورتی بارے دلچسپ تبصرے کررہی اے۔ ایس دے علاوہ ایہ وڈیو ناصرف پسند کیتی جارہی ای بلکہ ایس نوں مختلف سوشل میڈیا پلیٹ فارمز اُتے شیئروی کیتا جارہیا اے





















