سی پیک اتھارٹی معاشی سرگرمیاں دے فروغ لئی اپنا کردار ادا کرے گی: عاصم سلیم باجوہ

اسلام آباد( پنجابی میڈیا گروپ)چیئرمین سی پیک اتھارٹی لیفٹیننٹ جنرل (ر) عاصم سلیم باجوہ نے اقتصادی راہداری منصوبیاں نال منسلک فیڈمک دے سپیشل اکنامک زون علامہ اقبال انڈسٹریل سٹی دا دورہ کیتا۔ چیئرمین سی پیک اتھارٹی نوں ترقیاتی کماں تے میگا پراجیکٹس دے حوالے نال بریفنگ دتی گئی۔ عاصم سلیم باجوہ نے چھ سو میگا واٹ بجلی دے منصوبے تے ترسیلی نظام بارے فیڈمک دے اقدامات دا جائزہ لیا۔ اوہناں نے اکنامک زون وچ صنعتی شعبے دے مثبت رجحان تے تیز ترین کماں نوں سراہیا۔ چیئرمین سی پیک اتھارٹی عاصم سلیم باجوہ دا کہنا سی سی پیک اتھارٹی معاشی سرگرمیاں دے فروغ لئی اپنا بھرواں کردار ادا کرے گی۔ جنرل (ر) عاصم سلیم باجوہ دا کہنا سی سی پیک اتھارٹی، فیڈمک دے زیر انتظام سپیشل اکنامک زونز دے ترقیاتی کماں بارے مسئلیاں دے حل لئی مکمل سپورٹ دیوے گی۔

اپنا تبصرہ گھلو