پی ڈی ایم لانگ مارچ دا فیصلہ ماہ رمضان دے بعد کرلین،شیخ رشید
اسلام آباد (بیورو رپورٹ )وفاقی وزیر داخلہ شیخ رشید نے آکھیا ا ے کہ پاسپورٹ دی تجدید نہیں ہووے گی وطن واپس آنا چاہن تے 72گھنٹے وچ سفری اجازت نامہ جاری کیتا جا سکدا ے۔ نوازشریف واپس نہیں آن گے صرف پروگراماں وچ ای گل کردے نیں۔ پی ڈی ایم لانگ مارچ دا فیصلہ ماہ رمضان دے بعد کرلین’آصف رزداری نے ووٹ منگن وچ پی ایچ ڈی دی ہوئی لیکن بکائو مال امسال شرمندہ ہو ن گے ۔ اسمبلیاں اتے لعنت بھیجنے والے اج اسمبلیاں توں ووٹ منگ رہے نیں ۔ ٹی ایل پی دا شکریہ اداکرناں واں اوہناں نے اپریل تیک رکن دا آکھیا اے ۔ایناں خیالات دا اظہاراوہناں نے منگل نوں اسلام آباد وچ میڈیا دے نال گل بات کردیاں ہویاں کیتا۔ وفاقی وزیر داخلہ شیخ رشید احمد ہوراں نے آکھیا اے کہ منگل توں رات 12 بجے نواز شریف دے پاسپورٹ دی معیاد ختم ہو گئی اے،نواز شریف دا پاسپورٹ ختم ہون اتے ایہدی کوئی قانونی حیثیت نہیں رہندی۔ 20 اگست 2018 توں نواز شریف تے مریم نواز داناں قومی احتساب بیورو(نیب) دی ہدایت اتے ایگزٹ کنٹرول لسٹ وچ شامل اے۔جہڑا شخص ای سی ایل اتے ہوئے ایہدا پاسپورٹ جاری نہیں کیتا جا سکدا۔ نوازشریف ولوں عدالتی ریلیف دا غلط استعمال کیتا گای۔ نوازشریف واپس نہیں آن گے۔ وطن واپس آنا چاہن تے 72گھنٹے وچ سفری اجازت نامہ جاری کیتا جا سکدا ے۔





















