پی ڈی ایم دا قیام، جدوجہد نے سلیکٹڈ حکمراناں دی نینداں حرام کردتیاں ، مولانا عبدالغفور حیدری

قلات (بیورورپورٹ )جمعیت علمائے اسلام دے مرکزی جنرل سیکرٹری سینیٹر مولاناعبدالغفور حیدری نے آکھیا اے کہ پی ڈی ایم دے قیام دا واحد مقصد ملک اتے بائیس کروڑ عوام دی حقیقی حکمرانی قائم کرنا تے مضبوط مستحکم جمہوریت رائج کرنا اے۔چنائو وچ اداریاں دی مداخلت نو ںبند کرنا تے ملکی اداریاں دا سیاست وچ مداخلت دا رستہ روکنا اے۔ پی ڈی ایم دا قیام، جدوجہد نے سلیکٹڈ حکمراناں دی نینداں حرام کردتیاں نیں۔ پی ڈی ایم دے اندراختلافات دی گلاں کرنا سرکار تے ایہناں دے ناال ترجماناں نوں زیب نہیں دیندا۔ سرکار نام نہاد ترجماناں دی پی ڈی ایم دے بارے وچ رائے قائم کرن داحق کس نے دتا اے ‘ پی ڈی ایم اپنے مقاصد دے حصول تیک قائم ودائم روے گی پی ڈی ایم اتفاق رائے دے نال فیصلے کردی اے ۔ اختلافات دی گلاں سلیکٹڈ حکمراناں دی بوکھلاہٹ نوں ظاہر کردی اے ۔ ایہناں خیالات دااظہار اوہناں نے پچھلے روز قلات وچ کوئٹہ روانہ ہون توں پہلاں میڈیا دے نمائندیاں دے نال گل بات کردیاں ہویاں کیتا۔

اپنا تبصرہ گھلو