آکھو تے گھبرا لاں خاں جی
اعظم توقیر
کیتی تے پچھتا لاں خاں جی
آکھو تے گھبرا لاں خاں جی
ووٹ خشی نال پایا تینوں
ہس کے سینے لایا تینوں
تھاں تھاں تے وڈیایا تینوں
ہن تھوڑا ازما لاں خاں جی
آکھو تے گھبرا لاں خاں جی
پی پی چھڈی لیگ وی چھڈی
تینوں سیٹ دوائی وڈی
مہنگائی نے رڑی اے کڈھی
دس ہن موہرا کھا لاں خاں جی
آکھو تے گھبرا لاں خاں جی
سونے دے مُل تیل ای کیتا
لوکی آکھن ہن بن چیتا
کناں نوں ہتھ لا لاں خاں جی
آکھو تے گھبرا لاں خاں جی
کتھے گئے نیں لارے تیرے
نوکریاں دے کارے تیرے
گالھاں دین ہرکارے تیرے
اوہناں نوں سمجھا لا خاں جی
آکھو تے گھبرا لاں خاں جی
گڈی ویچ ادھار چکایا
گیس دے بلاں مار مُکایا
گیس دا میٹر چلہے پایا
بجلی وی کٹوا لاں خاں جی
آکھو تے گھبرا لاں خاں جی
