پرویز مشرف دے خلاف خصوصی عدالت دے ٹرائل نوں کالعدم قرار دین لئی فل بنچ تشکیل
لہور: لہور ہائی کورٹ نے سابق صدر پرویز مشرف دے خلاف خصوصی عدالت دے ٹرائل نوں کالعدم قرار دین لئی فل بنچ تشکیل دے دتا اے۔
وسلیاں دے مطابق چیف جسٹس لہور ہائی کورٹ ولوں تشکیل دتے گئے بنچ دی سربراہی جسٹس مظاہر علی نقوی کرن گے جد کہ جسٹس امیر بھٹی تے جسٹس چودھری مسعود وی ایہدے وچ شامل ہون گے۔
بنچ سابق صدر پرویز مشرف کیس وچ خصوصی عدالت دے قیام دے خلاف درخواست تے سماعت کرے گا۔ خیال رہوے پرویز مشرف نے خصوصی عدالت دے قیام نوں چیلنج کر رکھیا اے۔
