پنجاب ہائوس وچ، حسین شاد ہوراں دی چوتھی برسی دا اکٹھ

رپورٹ: عالیہ خان

معروف شاعر، سکالر، دانشور تے براڈ کاسٹر دی یاد وچ اکٹھ دا پربندھ پنجابی یونین ولوں کیتا گیا

پنجاب ہا ئوس وچ معروف شاعر دانشور تے ادیب حسین شا د (مر حوم)ہورا ں دی چو تھی بر سی دا اکٹھ ہو یا۔تقریب دا آغاز تلاوت کلام پاک تو ں ہو یا تے ایس دی سعادت رضوان اصغر بٹ ہوراں حا صل کیتی ،صدارت شا عر تے ادیب بابا نجمی ہورا ں کیتی تے حا فظ ممتاز ملک ہوراں نقابت دے فرا ئض انجام دِتے تے دیگر مہما نا ں وچ ندیم رضا ،صدر پنجابی میڈیا گرو پ ،تا بندہ شا د (صا حبزادی حسین شاد )،نا صر شا د(نو اسہ حسین شاد )،محمد ندیم اقبال با ہو ،میا ں آصف ،فنکار سعید سیکی ،میا ں را شد فرزند ،ایم ایم عمران دے ناںشا مل سن ۔

پنجابی میڈیا گرو پ دے چیئر مین مدثر اقبال بٹ ہوراں دی ہمیشہ تو ں ایہ روایت رہی اے کہ او اپنے دوستا ں نو ں کدے نیں بھلدے بھا نویں او دوستاں دی حیا تی ہو وے یا فیر اونا ں دے ایس دنیا تو ں پردا کرن توں بعد دے دن ہون اوہ ہمیشہ اپنے دوستاں دی محبت وچ محفلا ں سجاندے رہندے نیں تے ایسے طراں اونا ں دے جان تو ں بعد اپنے دوستاں نوں یاد کرن دا موقع وی کدی ہتھوں جان نہیں دیندے۔ مدثر اقبال بٹ تے حسین شاد ہورا ں دا سا تھ بڑا پرانا سی ایس گل داذکر اوہنا ں نے بر سی دے اکٹھ وچ اپنے افتتاحیہ کلمات وچ کیتا۔ اوہناں دوستا ں نال حسین شاد ہو را ں دیاں گلاں سانجھیاں کردے ہو ئے آکھیا کہ حسین شاد پنجابی ادب دی گو ہڑی سیہان رکھن والے لکھا ری سن۔ اوہناں شا عری تے نثر وچ محنت تے محبت نال وادھا کیتا کہا نی لکھی تے داد پائی ،ڈرامہ لکھیا تے تعریف سمیٹی اوہنا ں نے خوبصور ت تے سوہنی شا عری کیتی تے اوہنا ں نوں لوکاں دا پیار ملیا اوہنا ں نے بے شما ر کتا با ں لکھیا ں او جنگ گرو پ وچ پنجابی کالم شروع کرن والے پہلے پنجابی کالم نگار سن ۔حسین شاد ہو ری خوش گفتار تے خوش لباس انسان سن اوہنا ں نے ہمیشہ پنجابی نو ں زندہ رکھن واسطے محنت کیتی او پہلے صحا فی سن جنھاں نے نا صرف پنجابی وچ صحافت کیتی بلکہ مختلف پنجابی اخبارا ں دے مدیر وی رہے۔ حسین شا د ہوراں دی ایہ خصوصیت سی کہ او غلط گل نو ں برداشت نہیں سی کر دے او ہمیشہ جو گل ہوندی سی او اگلے بندے دے منہ اتے کر دے سن ۔

ندیم رضا ہو را ں حسین شاد ہو را ں دیا ں گلا ں سانجھیاں کردیاں آ کھیا کہ پنجاب ہا ئوس مدثر اقبال بٹ ہوراں دا خواب اے خواب وی اجیہا جیہڑا ہر َاکھ نہیںویندی اے کیونکہ بیشتر اکھاں تے انفرا دی خواب ویکھدیاں نیںایہہ پنجابی زبان نال اپنی ثقافت تے رہتل نال جڑیا اجتماعی خواب اے ایس تصور دی تصویر وچ جیہڑا سب تو ں گوڑا رنگ اے او حسین شاد ہو را ں دی صورت وچ اے۔ پنجابی میڈیا گرو پ وچوں حسین شاد ہو را ں نال جنھا گوڑا تعلق مدثر اقبال بٹ ہورا ں دا رہیا او کسے دا نہیں رہیا۔ پنجابی میڈیا وچ چا ہے او بھُلیکھا دی عدالت ہووے یا فیر ناگ منی یا کجھ ہور ہر منزل حسین شاد ہو را ں دی رہنمائی وچ مکمل ہو ئی پراج او تصویر نو ں تے حقیقت دا رنگ مل گیا مگر سا ڈے نال حسین شاد نہیں پر سا ڈے نال اوہناں دی یاداں موجود نیں۔ میں اوہنا ں نوں سب تو ں پہلا ں پنجابی اخبار روزنامہ خبراں وچ ملیا میں اونا ں نو ں پنجابی صحا فی تے مدیر دی حیثیت نال جاننا واں پنجابی اخباروچ بطو ر ایڈیٹر کم کرنا سو کھا نہیں جد اردو اخبار دا رواج ہو وے اردواخبار نو ں زیا دہ پسند کیتا جا وے تے اوس دور وچ خاص طور تے جدو ں تہا نوں پنجابی اخبار آپ لے کے قاری دے کول جا نا پوے تے امتحان ہور وڈا ہو جاندا اے تے حسین شاد ہو ری ایس امتحان وچ پورا اترے اوہنا ں پنجابی صحافت دیا ںجیہڑیا ں لکیرا ں کھیچیاں پنجابی صحا فت اج وی ایس تو ں باہر نہیں نکلی سا ڈی بڑی وڈی بدقسمتی اے کہ سا نو ں اج تک حسین شاد ورگا پنجابی صحا فی نہیں لبھا۔ سا ڈی صحافت چا ہے اردو ،انگریزی یا پنجابی ہو وے اوادیبا ں تو ں خالی ہو گئی اے ہن سا نو ں ادیب کالم لکھدا تے ملدا اے پر بطورمدیر نہیں ملدا۔حسین شاد ہو راں دی شا عری دی گل کیتی جا وے تے اوہنا ں نے اپنی شا عری نو ں معتبر کرن واسطے کسے وی جگہ تے اوکھے اکھراں دا سہارا نہیں لیا اوہنا ں نے اپنی سو چ نوں منتقل کر کے اوہنا ں دے اکھراوہنا دی قلم وچوں نکل کتاب تے منتقل ہو کے دلاں وچ اُتر گئے۔شا عر تے ادیب با با نجمی ہورا ں اپنیاں گلا ں سانجھیاں کردیا ں آکھیاںکسے وی تقریب وچ مدثر اقبا بٹ ہو راں دا ذکر نہ کیتا جا وے تے او تقریب ہی مکمل نہیںہو ندی۔ ایناں دیا ں محبتا ں ہر اوس شخص نال نیں جنا ں دا ایناں نال تعلق بن جا وے چا ہے اوشاد صا حب ہو ن ،اقبال با ہو یا سا ڈے بزرگ شا عر نظامی صاحب ہون غرض کہ جیڑا جیڑا شخص وی مدثر اقبال بٹ ہو را ں دے نیڑے ہو یا اے ایہناں نے اوہنوں ایہنا پیار دتا اے کہ ایہنا ں نے اوہنا دے جان توبعد اوہنا ں دیا ں نسلا ں تک ایہہ گل اپڑا دتی کہ تسی بھا ویں اپنے ما پے بھل جا ئو میں اوہنا ں نو ں نہیں بھلیا ۔

حسین شاد ہو را ں دا ذکر کردیا ں بابا نجمی دا کہنا سی کہ میں جدو ں اوہنا ں نوں پہلی واری ملیا تے عینک ،پینٹ کوٹ تے خوبصورت ٹا ئی لا کے خوش لباس شخص میرے نال متعارف ہویا اوس تو ں بعد میں ہمیشہ اوہناں نو ں ایسے طراں ویکھیااوہنا دی گفتگو وچ پنجابی رنگ تے اوہنا ں دا ملن جلن وچ محبت داخا صہ موجود سی اوہنا ں سب تو ں پہلا ں جنگ وچ پنجابی دا صفحہ شروع کیتا اوس دور وچ جیدے وچ اردو اخباراں دا را ج ہو وے پر جے بندے وچ طا قت تے صلا حیت ہو ے تے او اپنا آ پ منوا لیندا اے ایہو گل حسین شاد ہورا ںثابت کیتی ۔ میاں را شد فرزند ہو را ں اپنے خیالاں دا اظہار کردے ہوئے آکھیا حسین شاد ہو راں دا ناں ادبی حلقیا ں وچ وَڈا نا ں سی تا ریخ گواہ اے کہ نا ں صرف اوہنا ں دا زندہ رہندا اے جیڑے اُچے کم کر جاون ۔میا ں آصف ہو را ں اپنے خیالاں دا اظہار کردیا ں آکھیا پنجاب وچ پنجابی صحا فت اوکھا کم اے پنجابی صحا فت وچ اک ناں جیڑا ہمیشہ یاد رکھیا جا ئے گا او حسین شاد اے۔ سعید سیکی ہورا ں حسین شاد با رے اپنے خیالاں دا اظہار کردیاں آکھیا کہ حسین شاد ہورا ں با رے گل کر نا اوکھا ایس لئی اے کہ کو ئی کس طر اں دسے گا کہ اوہناں دیا ں گہرا ئیاں کنیاں نیں کوئی کس طر ح دسے گا کہ کا ئنات کنی وڈی اے ۔اد ب وچ اوہنا ں دا نا ں ہمیشہ یاد سنہرے اکھراں وچ لکھیا جا وے گا ۔ناصر شاد (نواسہ) حسین شاد ہو را ںدے با رے آکھیا کے اوہنا ں نے میرے سر تے شفقت دا ہتھ رکھیا اوہنا ں نے میری تعلیم تے میری پرورش وچ او کردار ادا کیتا جیڑامیرے والدین وی نہیںکر سکدے میں اپنی زندگی دے اٹھا راں سا ل اوہناں نال گزارے نیں اوہنا ں نے اپنے بیٹے دی طر ح مینوں محبت دتی تے اج میں ایک چنگے مقام تے موجود آں۔حسین شاد ہو را ں دی صاحبزادی تابندہ شاد ہو را ں نے اپنے خیالاں دا اظہار کر دیا ں مدثر اقبا بٹ ہوراں دا شکریہ ادکر دیا ں آکھیا کہ تسیں میرے والدصاحب نوں ہمیشہ یاد رکھیا والدین تے سبھ دے چنگے ہوندے نیں پر میرے وا لد صا حب ہر کسے واسطے چنگے تے محبت کرن والے انسان سن اج ایہ اکٹھ ایس گل دا ثبوت اے بس اللہ کولو ں دعا اے کہ اوہنا ں نوں جنت وچ مقام عطا کرے ۔آخر وچ ندیم اقبا ل با ہو نے خوبصورت کلام پڑھیا ۔تقریب دے آخر وچ چیف ایڈیٹر روزنامہ بھلیکھا بلال مدثر بٹ ہو راں شرکت کرن والے پروہنیاں دا شکریہ ادا کیتا تے اوہنا ں نے آکھیا کہ کوشش کراں گے حسین شاد ہو را ں دیا ں کتابا ں ،شاعری ،ڈرامے ،کالم تے کہانیاں نو ں اکٹھا کر کے کتا بی شکل دتی جا وے کیوں جے اوہناں دیاں لکھتاں آن والیاں نسلاں واسطے اثا ثہ نیں ۔