سینیٹ چوناں مگروں وفاقی کابینہ وچ ردوبدل دا امکان

اسلام آباد( پنجابی میڈیا گروپ) سینیٹ چوناں مگروں وفاقی کابینہ وچ ردوبدل دا امکان اے کیوں جے وزیراعظم عمران خان کئی اہم وزیراں دی کارکردگی توں خوش نہیں، ایس لئی اوہناں نے فیصلہ کیتا اے کابینہ وچ صرف اوہی رہن گے جہڑے ڈیلیور کر سکن گے۔ پارٹی ذرائع نے دسیا ڈیلیور تے کارکردگی ای اوہ چیزاں نیں جہدے وچ وزیراعظم دلچسپی لیندے نیں کیوں جے اوہ کسے وی وجہ توں منصوبیاں دی تکمیل وچ غیر معمولی تاخیر دے بعد بہانے سنن نوں چنگا نہیں سمجھدے۔ اک اہم وفاقی وزیر نے اپنا ناں نہ دسن دی شرط تے آکھیا وزیراعظم نوں ایہ احساس ہو گیا اے کہ پارٹی حلقیاں وچ مایوسی ودھ رہی اے، وزیراعظم پکا یقین رکھدے نیں کہ وزیراں نوں کسے عذر پیش کیتے بغیر کارکردگی وکھانی ہووے گی۔ وزیر نے انکشاف کیتا کہ کابینہ وچ اوہی لوک رہن گے جہڑے کارکردگی وکھاون گے۔

اپنا تبصرہ گھلو