مریم نوں آؤن والے دناں وچ مشکلات وچ گھریا ویکھ رہیا آں: شہباز گل

اسلام آباد( پنجابی میڈیا گروپ) وزیراعظم دے معاون خصوصی برائے سیاسی روابط شہباز گل دا کہنا اے اوہ مریم نواز نوں آؤن والے دناں وچ مشکل وچ گھریا ویکھ رہے نیں۔ شہباز گل نے دعویٰ کیتا اے پیپلزپارٹی ہووے یا پی ڈی ایم، ایہ سینیٹ دا الیکشن نہیں جِت سکدے، پی ڈی ایم دے بہت سارے لوک اوہناں نال رابطے وچ نیں، پی ڈی ایم دے اپنے لوک اوہناں نوں ووٹ نہیں دین گے۔ اوہناں آکھیا حمزہ شہباز دی رہائی تے مریم نواز تے زیادہ پریشر پیا اے، حمزہ دی رہائی مگروں ہن جنگ ہووے گی کہ نواں ولی عہد کون ہووے گا۔ معاون خصوصی دا کہنا سی اوہ مریم نواز نوں آؤن والے دناں وچ مشکل وچ گھریا ویکھ رہے نیں۔

اپنا تبصرہ گھلو