کورونا اجے مکمل ختم نہیں ہویا، شہری احتیاط ورتن: وزیراعلیٰ پنجاب
لہور( پنجابی میڈیا گروپ) وزیراعلیٰ پنجاب عثمان بزدار نے آکھیا اے کورونا دی دوجی لہر دے دوران شہری احتیاط دا دامن ہتھوں نہ چھڈن۔ وزیراعلیٰ پنجاب ولوں جاری ہون والے بیان وچ آکھیا گیا اے انسداد کورونا لئی حکومتی گائیڈ لائنز تے عمل کرنا شہریاں دے اپنے مفاد وچ اے تے ایس او پیز تے عملدرآمد کرن وچ ای صحت تے زندگیاں دا تحفظ اے۔ اوہناں آکھیا کورونا اجے مکمل ختم نہیں ہویا، شہری احتیاط کرن۔ لوکائی دے تعاون نال پہلاں وی کورونا نوں شکست دتی، آئندہ وی شکست دیاں گے۔ بے احتیاطی نال مریضاں دی تعداد وچ وادھا ویکھن وچ آ رہیا اے۔
