سینیٹ الیکشن شفاف ہوئے تے جِت عمران خان دی ہووے گی: عبدالحفیظ شیخ

اسلام آباد(پنجابی میڈیا گروپ) وزیر خزانہ عبدالحفیظ شیخ نے آکھیا اے قومی اسمبلی وچ عمران خان نوں واضح اکثریت حاصل اے۔ شفاف الیکشن ہوندے نیں تے جِت عمران خان دی ای ہووے گی۔ عبدالحفیظ شیخ دا میڈیا نال گل کردیاں کہنا سی سینیٹ دا انتخاب پاکستان وچ جمہوری عمل دا اہم جز اے۔ خواہش اے سینیٹ الیکشن مہذب تے شفاف انداز وچ ہووے۔ عبدالحفیظ شیخ دا کہنا سی ساڈی خواہش اے کہ پیسہ لین دین دے بغیر سینیٹ الیکشن ہووے۔ ایہ مقابلہ میرا تے گیلانی صاحب وچکار نہیں، دو سیاسی اتحاداں وچکار اے۔ اوہناں آکھیا ساڈی اتحادی جماعتاں ساڈے نال متحد نیں۔ ساری اتحادی جماعتاں رل کے حکومتی اتحاد نوں کامیاب بناون گیاں۔

اپنا تبصرہ گھلو