سپریم کورٹ دے فیصلے دے نال آرڈیننس وی کالعدم ہوگیا ، مریم اورنگزیب

اسلام آباد (پنجابی میڈیا گروپ)مسلم لیگ نون دی ترجمان مریم اورنگزیب نے آکھیا اے کہ سپریم کورٹ دے فیصلے دے نال آرڈیننس وی کالعدم ہوگیا ۔وزیر اطلاعات و نشریات شبلی فراز دی منشا دے مطابق الیکشن نہیں ہوسکدے ۔ اپنے اک بیان وچ ترجمان مسلم لیگ ن مریم اورنگزیب ہوراں نے آکھیا اے کہ سپریم کورٹ نے رائے دتی اے کہ سینیٹ چنا آئین دے تحت ہو سکدا اے۔ مسلم لیگ ن الیکشن دی شفافیت دی علمبردار رہی اے، اکثریت ہون دے باوجود ساڈا ووٹ چوری کیتا گیا۔ مریم اورنگزیب نے مزیدآکھیا اے کہ اج سرکار دے اراکین عدم اعتماد کرچکے نیں۔ سپریم کورٹ دے فیصلے دے نا ل آرڈیننس وی کالعدم ہوگیا اے۔ شبلی فراز دی منشا دے مطابق الیکشن نہیں ہو سکدے۔ ترجمان مسلم لیگ نون نے آکھیا کہ ن لیگ دا فیصلہ سی کہ پنجاب وچ اپنی نمائندگی دے مطابق نشستاں حاصل کیتیاں جان۔

اپنا تبصرہ گھلو