صفائی
دلشاداحمد چن
صفائی دے اندر خدائی اے بچو
ایہو کہندی ساری لوکائی اے بچو
جہڑے بچے نہاتے تے دھوتے نیں رہندے
اوہو بچے ہر تھاں کھلوتے نیں رہندے
روزانہ جو دنداں نوں مسواکاں کردے
اوہناں توں ای راضی وی رہندے نیں گھر دے
اوہ بچدے بیماری توں صبح شام سجنو
خدا کولوں ملدے نیں انعام سجنو
اوہ استاد کولوں وی انعام لیندے
محلے چوں تعریف ہر گام لیندے
جہڑے صاف ستھرے ای رہندے نیں بچے
اوہی بچے لگدے نیں ہر اک نوں اچھے
ایہو مصطفیﷺ اے دا فرمان بچیو
صفائی سچائی اے ایمان بچیو
