ساڈی معیشت مکمل طور تے تباہ ہوگئی اے ،شہبازشریف
اسلام آباد (پنجابی میڈیا گروپ)صدر پاکستان مسلم لیگ ن تے اپوزیشن لیڈر قومی اسمبلی شہباز شریف نے آکھیا کہ ساری اپوزیشن نوں جیل وچ پا کے وی ایہناں کولوں حکومتی گڈی نہیں چل سکی۔ایس توں زیادہ ہورنااہلی کیہ ہو سکدی اے ‘ملکی ترقی رک گئی اے‘ معیشت مکمل طور تے تباہ ہوگئی اے۔ غریب لوکائی نوں مہنگائی وچ جھونک دتا گیا اے۔ ‘گیس تے بجلی دے بلاں وچ الجھا دتا گیا اے‘ لوکائی خود کشیاں کرن تے مجبور نیں۔ تفصیلات دے مطابق بدھ دے روز اپوزیشن لیڈر شہبازشریف سینیٹ چنا لئی پارلیمنٹ ہائوس اپڑے جتھے اوہناں نے اپنا ووٹ کاسٹ کیتا ۔ ایس دور ان میڈیا نمائندیاں نے اپوزیشن لیڈر شہباز نوں گھیرے وچ لے لیا ۔شہباز شریف ہوراںنے آکھیا اے کہ سرکار دی ناقص کارکردگی ایہدی نکامی دا سبب بنے گی۔ایہناں دی کوئی تیاری نہیں سی۔ پی ڈی ایم ٹھیک انداز وچ اگے ودھ رہی اے۔ کہ اج ہر ممبر نے اپنے ضمیر دے مطابق ووٹ پانا اے۔ الیکشن کمیشن شفافیت نوں یقینی بناوے۔ اوہناں نے مزیدآکھیا اے کہ کرپشن کرپشن دا چورن ہن مزید نہیں وکے گا‘ قوم نوں ایہناں دی اصلیت دا پتہ چل گیا اے۔





















