عمران خان کسی کھوتے نوں وی ٹکٹ دین : تے اسیں اوس نوں وی ووٹ دیاں گے،حلیم عادل شیخ

کراچی (پنجابی میڈیا گروپ )پاکستان تحریک انصاف دے رہنماء تے سندھ اسمبلی وچ اپوزیشن لیڈر حلیم عادل شیخ نے آکھیا اے کہ وزیراعظم عمران خان کسی کھوتے نوں ٹکٹ دیندے تے اسیں اون وی ووٹ دیندے،پیسیاں دی سیاست کرن والیاں نوں نہیں چھڈاں گے۔ سندھ اسمبلی آمد دے موقع اتے میڈیا دے نال گل بات کردیاں ہویاں حلیم عادی شیخ ہوراں نے اپنے رویہ اتے معذرت کیتی تے آکھیا کہ سندھ وچ کل توں جہڑا ویڈیوز لیک ہوئیاں ‘ایم پی ایز نوں ایدھراودھر کیتا گیاپیپلزپارٹی دے سیاست نے ایہناں دے بانیاں نوں شرمندہ کردتا اے۔ اوہناں نے مزیدآکھیا اے کہ پیپلز پارٹی نے کھوتا ٹریڈنگ دی کوشش کیتی،پی ٹی آئی اراکین گھوڑے نیں کدی نہیں بکن گے،پیپلز پارٹی نوٹاں تے ووٹاں دی سوداگر اے،پیپلز پارٹی سارے حربیاں وچ نکام ہوجاوے گی۔سرکار سند ھ عوام دے پسیاں دے نال منڈی لگا رہی اے۔ حلیم عادل نے مزیدآکھیا اے کہ اصلی بھٹو تے کدی اینج کرن دا سوچ وی نہیں سکدا۔ ایہہ اصلی بھٹو نہیں ۔ اج ذوالفقار علی بھٹو دی روح تڑپ رہی ہووے گی۔