چج ادبی پروار جھنگ ولوں شاندار مشاعرہ
مشاعرے دی صدارت چج ادبی پروار جھنگ دے صدر حاجی ملک عبدالطیف شیدائی ہوراں کیتی
رپورٹ: سید علی قیصر
چج ادبی پروار جھنگ دے کامیاب 21 فروری عالمی پنجابی ماں بولی دیہاڑ اکٹھ توں بعد اک کامیاب مشاعرے دا و ی آہر میاں صفدر محمود ایڈووکیٹ ہوراں دے ہادی ڈیرہ دارالسکینہ روڈ جھنگ صدر کیتا گیا۔ ایس مشاعرے دی سرپرستی آپ میاں صفدر محمود ایڈووکیٹ ہوراں کیتی ۔ مشاعرے دی صدارت چج ادبی پروار جھنگ دے صدر حاجی ملک عبدالطیف شیدائی ہوراں کیتی۔ مہمان خصوصی چنیوٹ دے نامور شاعر چج ادبی پروار جھنگ دے نگران ڈاکٹر خالد اقبال خالد ہن نظامت دے فرائض چج ادبی پروار دے جنرل سیکرٹری عبدالرحمن ساجد ہوراں ادا کیتے۔ مشاعرے دا آغاز تلاوت قرآن پاک توں شروع ہویا جس دی سعادت میاں صفدر محمود ہوراں دے پتر محمد ہادی تے پنجابی شاعر غلام عباس مخفی ہوراں حاصل کیتی۔
نعت رسول مقبول دی سعادت ملک عبدالطیف شیدائی ہوراں حاصل کیتی۔ اُچیچے مہمان چج ادبی پروار جھنگ دے نائب صدر مہر الطاف بھروانہ۔ پنجابی ادبی سنگت لوک وراگ دے بانی شاہد محمود عاقب پنجابی بزم ابرار دے بانی حاجی محمد علی شاد، نذیر احمد معزور، احمد بشیر لنگاہ، بزم ملک غلام یٰسین دے بانی ملک نیاز عباس نیاز، خان منظور صفدر خان، ملک سخاوت عباس گوہر، تصور حیات، عنبر لک ایڈووکیٹ، مہر غلام عباس مخفی چیف ایڈمن جھنگ ورثہ ٹی وی، مہر حسنین سیال ، علی رضا نازش، غلام مصطفی عاکف لکھنانہ، مہر محمد نواز فروز موہانہ، محمد ریاض ایاز، ذوالقرنین کاوش، محمد جابر، چوہدری نذیر ارمان، سید توقیر شاہ، محمد حسین سینی، مہر برخودار ثاقب سیال، خان عاطف خان بلوچ، خان اسرار خان بلوچ نمبردار، محمد ابرار خادم بلوچ بانی نزم خادمان ریاض سیال، محمد نواز جگنو ہوراں رلت کیتی تے سارے شعرا کرام اپنا اپنا خوبصورت کلام پیش کیتا تے بھرویں داد حاصل کیتی۔ مشاعرے دے آخر تے شہنشاہ پنجاب ادب استاد الشعراء فخر جھنگ چج ادبی پروار دے سرپرست حاجی مہر محمد ریاض سیال ہوراں واسطے دعائے مغفرت کرائی گئی تے خوبصورت کھانے دا وی آہر کیتا گیا۔
