غزل
بابا نجمی
وچ اڈیکاں ہو نہ جاوے شام کِتے
سکھنا رہ نہ جاوے میرا جام کِتے
کڈا سی پنجاب تہاڈا پچھاں میں
متھے لگن جبرو تے وریام کِتے
ٹوٹے ہون گے اینے گنتی بٹے گی
مولویاں دا منیا جے اسلام کِتے
کدھرے ولکن بلھیاں گاجر مولی لئی
کھیسا بھریا پستے نال بدام کِتے
کوئی وی تیل نہیں پاندا شوق چلاون دا
کر نہ دیون گڈی میری جام کِتے
اسیں تے ایویں جتیو جتی ہُنے آں
اوہ وے کدھرے اللہ اوہ وے رام کِتے
رملی کولوں بابا نجمی پچھ لواں
رجواں ٹکرلکھیا میرے نام کِتے
