وزیرِ اعظم دا اعتماد دا ووٹ لینا نڈر لیڈر دا فیصلہ اے: شبلی فراز

اسلام آباد (پنجابی میڈیا گروپ )وفاقی وزیرِ اطلاعات و نشریات سینیٹر شبلی فراز نے آکھیا اے کہ حفیظ شیخ رد ووٹاں دی وجہ توں ہارے نیں۔ تفصیلات دے مطابق نجی ٹی وی دے نال گل بات کردیاں ہویاں وفاقی وزیرِ اطلاعات و نشریات شبلی فرازداآکھنا سی کہ ووٹ ضائع یا رد کرن دا طریقہ منظر عام اتے آن والی ویڈیو وچ سکھایا گیا سی۔ اوہناں نے آکھیا ساڈے سات ووٹ رد ہوئے سن جہدا طریقہ سکھایاگیا سی اگر ایہہ وٹ رد نہ ہوندے تے اسیں جت جاندے۔ شبلی فراز ہوراں نے مزیددسیا کہ خاتون دی نشست اتے اسیں 174ووٹ لے کے جتے آں۔ حفیظ شیخ دی نشست اتے ساڈے سات ووٹ رد ہوجاندے نیں ‘حفیظ شیخ دی شخصیت دے حوالے توں کئی محرکات ہوسکدے نیں۔ اوہناں نے مزیدآکھیا اے کہ میں منتخب ہویا واں تے لوکائی نے عمران خان نوں ووٹ دتا اے شبلی فراز نوں نہیں۔ وزیراطلااعات نے مزیدآکھیا اے کہ وزیرِ اعظم عمران خان دا اعتماد دا ووٹ لینا نڈر لیڈر دا فیصلہ اے۔

اپنا تبصرہ گھلو