عمران صاحب! اْدھار دا اقتدار تے کرائے دا اعتماد اپنا نہیں ہُندا: مریم اورنگزیب

اسلام آباد(پنجابی میڈیا گروپ) پاکستان مسلم لیگ (ن) دی ترجمان مریم اورنگزیب نے آکھیا اے کہ عمران صاحب اْدھار دا اقتدار تے کرائے دا اعتماد اپنا نہیں ہوندا۔ اعتماد تساں کھویا تے غصہ الیکشن کمیشن اتے کیوں۔اپنے بیان وچ مریم اورنگزیب ہوراں نے آکھیا عمران خان اپنی دفعہ جمہوریت اتے لیکچر تے دوجیاں دے ووٹ چوری۔ اپنی دفعہ ڈسکہ وچ الیکشن کمیشن دا عملہ چوری تے دوجیاں دی واری جمہوریت نوں نقصان دا درس دیندے نیں۔ اوہناں نے مزیدآکھیا اے کہ عمران خان صاحب جمہوریت نوں جتنا نقصان تہاڈے ورغے ووٹ چوراں نے پہنچایا ایہدی مثال ماضی وچ نہیں ملدی۔ عمران صاحب صرف عوام دا اعتماد تے اقتدار اپنا ہوندا اے تے کرائے تے ادھار دی چیزاں واپس کرنیاں ہوندیاں نیں۔ مریم اورنگزیب نے مزیدآکھیا اے کہ تساں پارلیمنٹ دے ارکان نوں جبر’ دھونس’ دھاندلی تے دبائو دے نال اپنا غلام بنان دی کوشش نہ کرو۔

اپنا تبصرہ گھلو