عمران خان نوں ووٹ دین والے صادق ، امین تے نہ دین والے سوداگر:احسن اقبال
اسلام آباد ( پنجابی میڈیا گروپ) مسلم لیگ (ن )دے سیکرٹری جنرل احسن اقبال نے آکھیا اے کہ جہڑا عمران خان نوں ووٹ دین والے صادق تے امین تے نہ دین والے سوداگر۔عمران خان نے حواس باختہ تے بوکھلاہٹ دے انداز وچ قوم دے نال خطاب کیتا۔ تن سال بعد وی عمرا ن خان دا ایہوی نظریہ اے میں نہیں چھڈاں گا ۔ این آر او نہیں دیاں گا۔ اوہناں نے مزیدآکھیا اے کہ وزیراعظم وچ اگر رتی بھر وی اخلاقیات ہوندی تے تساں استعفیٰ دے کے اعتماد دا ووٹ لیندے۔ ایہناں خیالات دا اظہار اوہناں نے اپنے اک بیان وچ کیتا۔ احسن اقبال نے آکھیا کہ وزیراعظم دی تقریر وچ کنٹینر والے خطاب دے سو ا کجھ نہیں سی۔ تن سال بعد وی عمران خان داایہوی نظریہ اے۔ میں نہیں چھڈاں گا ۔ این آر او نہیں دیاں گا۔ احسن اقبال ہوراں نے مزیدآکھیا اے کہ عمران خان اپنی جماعت وچ وی اکثریت کھو چکے نیں۔ آرٹیکل 91 سات دا حوالہ دے کے صدر مملکت نے وی توثیق کردتی اے۔





















