لہور؛12علاقیاں وچ اسمارٹ لاک ڈاؤن

لہور(پنجابی میڈیا گروپ )کورونا وائرس دے ودھدیاں ہویاں کیسز دے باعث لہوروچ مزید 12 علاقیاں وچ اسمارٹ لاک ڈاون نافذکردتا گیا اے۔سیکرٹری پرائمری اینڈ سیکنڈری ہیلتھ کیئر دے نوٹیفکیشن دے مطابق اسمارٹ لاک ڈاون 13 مارچ تیک جاری روے گا۔علاقہ مکیناں دی نقل و حمل محدود ہووے گی تے انتہائی ضرورت دے پیشِ نظر اک فرد اک سواری استعمال کر سکے گا۔نوٹیفکیشن دے مطابق ڈیفنس فیز فور دی گلی نمبر 12 ڈبل ایف، ڈبل ڈی گلی نمبر 4، غازی روڈ آر بلاک فیز 2 ڈی ایچ اے، والٹن روڈدی آفیسر کالونی گلی نمبر 8 تے چلڈرن لائبریری کمپلیکس وچ اسمارٹ لاک ڈاون لگایا گیا اے۔ہیراں روڈ اسلام پورہ گلی نمبر جی ٹو توں جی فور، راج گڑھ گلی نمبر 27، محلہ نیو چو برجی پارک مکان نمبر 42 اے توں 46 اے وچ اسمارٹ لاک ڈاون نافذ کیتا گیا اے۔دوجے پاسے گلشنِ راوی مکان نمبر 390 اے توں 394 اے، راشد اسٹریٹ سوڈیوال مکان نمبر 1 توں 4، جی او آر 2 دی گلی نمبر 7 تے وحدت کالونی ایف بلاک دے مکان نمبر 57 توں 61 تیک اسمارٹ لاک ڈاون لگا دتا گیا اے۔

اپنا تبصرہ گھلو