وزیراعظم عمران خان اعتماد دا ووٹ حاصل کرن وچ کامیاب

لہور( پنجابی میڈیا گروپ)عمران خان جدوں وزیراعظم منتخب ہوئے سن تے اوہناں نے176ووٹ حاصل کیتے سن لیکن اج178ووٹ حاصل کیتے ۔وزیراعظم عمران خان پارلیمنٹ توں اعتماد داووٹ حاصل کرن وچ کامیاب ہوگئے تے اوہناں نے178ووٹ حاصل کیتے۔اسپیکر قومی اسمبلی اسد قیصر دی زیر صدارت قومی اسمبلی دا اہم ترین اجلاس ہوئیا جس وچ وزیراعظم لئی اعتماد دے ووٹ دا فیصلہ کیتا گیا۔ وزیراعظم عمران خان، حکومت تے اتحادی جماعتاں ،ایم کیو ایم، جی ڈی اے تے ق لیگ سنے180توں ودھ ممبراں اجلاس وچ رلت کیتی۔جماعت اسلامی دے رکن مولانا اکبر چترالی تے پی ٹی ایم دے رکن محسن داوڑہوراں وی اجلاس وچ رلت کیتیلیکن اوہناں نے ووٹ نہیں دتا جدکہ اپوزیشن جماعتاں دے اتحاد پی ڈی ایم نے اجلاس دا بائیکاٹ کیتا تے اوس دے ارکاناں وی اجلاس وی رلت نہیں کیتی جس دے نتیجے وچ عمران خان نوں اک وی ووٹ مخالفت وچ نہیں ملیا۔

اپنا تبصرہ گھلو