پارلیمنٹ ہائوس دے باہر لیگی رہنما احسن اقبال نوں چھِتر وج گیا
اسلام آباد( پنجابی میڈیا گروپ) پارلیمنٹ ہائوس دے باہر مسلم لیگ(ن) دے رہنما احسن نوں نامعلوم شخص نے چھیر دے ماریا۔
میڈیا دے مطابق اپوزیشن جماعتاں نے قومی اسمبلی وچ وزیراعظم عمران خان نوں اعتماد دا ووٹ دین لئی اجلاس دا بائیکاٹ کررکھیا اے، تے ن لیگی رہنما پارلیمنٹ ہائوس دے باہر احتجاج کررہے سن، ایس دوران لیگی رہنماواں نے پریس کانفرنس وی کیتی، لیکن تحریک انصاف دے کارکنان نے لیگی رہنماواں دے خلاف نعرے بازی کیتی۔
لیگی رہنماواں دی پریس کانفرنس دے دوران پی ٹی آئی دے کارکناں غصہ کیتا تے شاہد خاقان عباسی نوں دھکے دتے، مصدق ملک دا گریبان پھڑیا، تے مریم اورنگزیب نوں وی دھکے تے گالاں کڈیاں، جدکہ نامعلوم سنے کسی نے احسن اقبال نوں چھِتر دے ماریا، جیہڑا احسن اقبال دے سر اُتے لگا۔ سارے واقعے دی فوٹیج ساہمنے آ گئی اے۔
فوٹیج وچ واضح طور اُتے ویکھیا جاسکدا اے کہ احسن اقبال کارکنان دے نعریاں دے جواب دے رہے سن جب کہ نامعلوم پاسے توں آن والا چھِتراوہناںدے سر اُتے لگیا۔





















