الٹراسائونڈ نال موٹاپا کنٹرول کرن دا کامیاب تجربہ

نیو یارک( پنجابی میڈیا گروپ) امریکی سائنسداناں تجربیاں دے دوران چوہیاں دے جگر اُتے الٹراسانڈ دی لہراں مرکوز کرکے اوہناں وچ موٹاپا کنٹرول کرن وچ کامیابی حاصل کیتی اے۔
اگر ایہی تجربہ انساناں اُتے کیتا جائے تے مفید ثابت ہوئے گا تے اُمید اے کہ آن والے کجھ سالاں وچ انسانی موٹاپا ختم کرن دااک ایسا نوا طریقہ ساڈے کول ہوئے گا جس وچ دوا تے آپریشن دی کوئی ضرورت نہیں ہوئے گی۔تجربے دے پہلے وار وچ سائنسداناں نے چوہیاں نوں دو گروپاں وچ تقسیم کیتا: اک گروپ نوں آٹھ ہفتیاں تک روزانہ صحت بخش غذا دتی گئی جدکہ دُجے گروپ نوں ایس دوران چکنائی تے کاربوہائیڈریٹس والی مغربی طرز دی خوراک دتی گئی۔توقع دے مطابق، آٹھ ہفتیاں وچ چکنائی تے کاربوہائیڈریٹس اُتے مشتمل غذا کھان والے چوہیاں دی جسمانی چربی تے وزن وچ صحت بخش غذا لین والے چوہیاں دی نسبت وادھا ہوئیا۔اگلے مرحلے وچ اوہناں ساریاں چوہیاں نوں، اوہناں دی سابقہ غذا جاری رکھدیاں ہوئیاں دو مختلف گروپاں وچ ونڈھیا گیا: اک گروپ دے جگر اُتے روزانہ مرکوز الٹراسانڈ لہراں(PFUS)لائیاں گیاں جدکہ دُجے گروپ وچ شامل چوہیاں دے جگر اُتے کوئی ہور شعاعواں لائیاں گیاں۔ آٹھ ہفتیاں بعد صحت بخش غذا لین والے چوہیاں سنے، روزانہ بے ضرر شعاعواں دا ساہمنا کرن والے چوہیاں دی صحت دا معاملہ اونج دا ہی رہیا جس طرح دا پہلاں سی۔

اپنا تبصرہ گھلو