پِلاک ولوں معروف شاعرہ طاہر منیر بسرا نال اِک بیٹھک
ڈپٹی ڈائریکٹر پِلاک خاقان حیدر غازی نے مجمانی کیتی
رپورٹ: سید علی قیصر
پنجاب انسٹیٹیوٹ آف لینگوئج، آرٹ اینڈ کلچر (پِلاک)، محکمہ اطلاعات و ثقافت پنجاب دے زیر اہتمام پلاک سٹوڈیو وچ معروف شاعرہ طاہرہ منیر بسرا دے نال اک مکالماتی نشست دا انعقاد کیتا گیا جس وچ خاقان حیدر غازی، ڈپٹی ڈائریکٹر، پلاک نے میزبانی دے فرائض سرانجام دیندے ہوئے ایہناں دی شخصیت تے فن شاعری دے حوالے نال بھرپور گفتگو کیتی۔
طاہرہ منیر دی شاعری دا بیشتر حصہ نظماں اُتے مشتمل اے جس وچ اوہناں نے سماجی اقدار دے فقدان دا تذکرہ برملا کیتا اے۔ ایہناں دی شاعری دے اندر اپنی دھرتی دے سارے رنگ موجود نیں، اوہناں نے اپنی نظماں وچ عوامی مسئلیاں نوں وی اپنی شاعری دا حصہ بنایا۔ ایس موقعے اُتے معروف گلوکار سجاد بری نے ایہناں دا کلام نہایت خوبصورت انداز وچ پیش کیتا۔
