جس کمپنی نوں اسیں بلیک لسٹ کیتا ایس نوں BRTبس دا ٹھیکہ ملیا، شہباز شریف

لہور(پنجابی میڈیا گروپ)احتساب عدالت لہور وچ آشیانہ ہاوسنگ اسکیم ریفرنس دی سماعت وچ اپوزیشن لیڈر قومی اسمبلی شہباز شریف نے دسیا کہ جس کمپنی نوں اسیں بلیک لسٹ کیتا ایس نوں BRTبس دا ٹھیکہ ملیا۔اسیں کرپشن نوں روکیا قوم نوں ساڈے اتے فخر ہونا چاہیدا اے۔ لہور دی احتساب عدالت وچ جج امجد نذیر چودھری نے آشیانہ ہاوسنگ اسکیم ریفرنس دی سماعت کیتی، کمرہ عدالت وچ نون لیگ رہنمائوواں تے کارکناں دا ہجوم موجود سی جہدے اتے جج نے اظہار ناراضگی کیتا۔ جج امجد نذیر چودھر ی نے آکھیا اے کہ کرونا وائرس دی وجہ توں ہنی حالات بوہت برے نیں۔ خدانخواستہ کجھ وی ہو سکدا اے۔ معجزجج نے پلس نوں ہدایت کیتی کہ سارے پرائیویٹ افراد نوں کمرہ عدالت توں بار کڈ دیو۔ جج امجد نذیر کمرہ عدالت توں اٹھ کے چیمبر وچ چلے گئے تے سیکیورٹی ڈیوٹی تے مامور ڈی ایس پی نوں چیمبر وچ سد لیا۔ عدالت نے شہبازشریف سنے دیگر دے خلاف سماعت 17 مارچ تیک ملتوی کردتی۔بعدازاں کیس دی سماعت توں پہلاں شہبازشریف نے جج صاحب نوں تن گزارشات کرنا چاہناواں۔ ایہدے اتے فضل جج نے آکھیا اگر ایس کیس توں متعلق نیں فیر اجازت اے۔ جس کمپنی نوں اسیں بلیک لسٹ کیتا ایس نوں BRTبس دا ٹھیکہ ملیا۔اسیں کرپشن نوں روکیا قوم نوں ساڈے اتے فخر ہونا چاہیدا اے۔جج صاحب تہڈا ویلا ضائع کیتا جارہیا اے۔ میں اپنے اوتے لگے الزامات دا جدوں سنندا واں تے افسوس ہوندا ے۔

اپنا تبصرہ گھلو