لانگ مارچ لاقانونیت توں نجات دلان دا مارچ اے، احسن اقبال

اسلام آباد(پنجابی میڈیا گروپ) مسلم لیگ ن دے سیکرٹری جنرل تے ممبر قومی اسمبلی احسن اقبال نے آکھیا اے کہ لانگ مارچ عوام نوں لاقانونیت توں نجات دلان دا مارچ اے۔وزیراعظم عمران خان نوں صرف دو کم آئوندے نیں تقریر کروالوو یا چندہ اکٹھا کروا لو۔ ساڈی سفارتکاری ایس حد تیک تباہ ہو چکی اے کہ سانوں ایہہ پتہ ای نہیں کہ اسیں چین دے نال یا امریکہ دے نال ۔نارروال اسپورٹس سٹی ریفرنس دی سماعت دے بعد میڈیا دے نال گل بات کردیاں ہویاں مسلم لیگ ن دے رہنما احسن اقبال ہوراںنے آکھیا کہ نیب دے جھوٹے کیسز عدالتاں دا ویلا ضائع کر رہے نیں۔ ایہناں دا مزیدآکھیا اے کہ بین الاقوامی معیار دے سپورٹس سٹی کمپلیکس نوں کھنڈر بنا دتا گیا۔ اوہ منصوبہ جہڑا 90 فیصد مکمل سی ایس نوں بھوت بنگلا بنا دتا گیا اے۔ پچھلے وفاقی وزیر نے آکھیا کہ میرے خلاف ریفرنس وچ مالی فائدہ‘ رشوت یا کمیشن دا کوئی الزام نہیں۔ میرے اتے صرف اختیارات دے ناجائز استعمال دا الزام لگایا گیااے۔

اپنا تبصرہ گھلو