دھمکیاں توں ڈرن والی نہیں: مریم نواز

لہور (پنجابی میڈیا گروپ ) مسلم لیگ ن دی مرکزی نائب صدر مریم نواز نے آکھیا اے کہ ضمانت رد ہون دی دھمکیاں توں ڈرن والی نہیں۔ دوواری جیل کٹ چکیاں واں‘ تیجی واری وی جیل کٹ لواں گی۔ دھمکیاں توں ڈرن والی نہیں عمران خان نوں گھر بھیجنے تیک بیرون ملک نہیں جاواں گی ، مریم نوازہوراں نے آکھیا ن لیگ لانگ مارچ سنے ہر آپشن لئی تیار اے، عدلیہ تے فوج دے اپنے ترجمان نیں‘ بیانات پرکھن دا اختیارنیب نوں کیویں مل گیا؟ نائب صدر مسلم لیگ ن جاتی امراء وچ میڈیا دے نال گل بات کردیاں ہویاں آکھیا کہ ایس سرکار دی آئینی تے نہ ای قانونی حیثیت اے۔ ایس لئی مسلم لیگ ن تے پی ڈی ایم سرکار دے نال کوئی گل بات نہیں کرے گی۔ مینوں ضمانت رد ہون دی دھمکیاں نہ دتیاں جان۔ نیب انتقامی ادارہ اے کرپشن پھڑن وچ نکام ہویا تے رونادھونا شروع کردتا اے۔ جاوید لطیف پاروں گل بات وچ آکھیا اے کہ محب وطن پاکستانی نیں ایہناں دی حب الوطنی اتے کسی قسم دا کوئی شک نہیں۔ ن لیگ دے خلاف انتقامی کارروائیاں کیتیاں گیاں تے خاموش نہیں رواں گے۔ پاکستان زندہ باد ہے تے زندہ باد روے گا۔

اپنا تبصرہ گھلو