پنجاب دے نوجواناں نوں قرضہ دین دی شروعات کر دتی گئی ، فردوس عاشق اعوان
اسلام آباد (پنجابی میڈیا گروپ) وزیر اعلیٰ پنجاب دی معاون خصوصی فردوس عاشق اعوان نے آکھیا اے کہ پنجاب وچ نوجواناں نوں قرض فراہمی دا آغاز ہو گیا ۔پی ڈی ایم دے سیاسی بے روزگاراں دی بے روزگاری وچ مزید اضافہ ہووے گا ۔سماجی رابطے دی ویب سائٹ ٹوئٹر اتے اپنے اک ٹویٹ وچ وزیر اعلیٰ پنجاب دی معاون خصوصی فردوس عاشق اعوان نے لکھیا کہ پنجاب روزگار اسکیم دے تحت نوجواناں نوں قرض فراہمی دا آغاز ہو گیا اے تے ابتدائی طور تے 400 افراد نوں 18 کروڑ مالیت دے چیک دتے جا چکے نیں۔ اوہناں نے مزیدآکھیا اے کہ ایس اسکیم دے تحت نوجواناں نوں اک لکھ روپے توں ایک کروڑ وپے تیک دے آسان قرض دتے جارہے نیں۔ معاون خصوصی نے مزیدآکھیا کہ مرد، خواتین تے خواجہ سراؤاں وچ 30 ارب توں زائد قرضے ونڈے جان گے۔ پنجاب روزگار اسکیم دے نال بے روزگاری اتے قابو پان وچ مدد ملے گی۔
Load/Hide Comments





















