لہور سنے دوجے شہراں وچ سکولاں نوں 19مارچ تک امتحانات لین دی اجازت
لہور(پنجابی میڈیا گروپ) لہور سنے 8شہراں دے سرکاری تے پرائیویٹ سکولاں نوں ایس مہینے 19مارچ تک امتحانات لین دی اجازت دے دتی گئی اے۔ ایس گل دا اعلان وزیر تعلیم مراد راس نے اپنی ٹویٹ وچ کیتا۔ سماجی رابطیاں دی ویب سائٹ ٹویٹر تے جاری بیان وچ مراد راس نے آکھیا اے سارے نجی تے سرکاری سکول 19مارچ تک امتحانات منعقد کر سکدے نیں، پر جمعے دے بعد توں ایہناں نوں بند کر دتا جائے گا۔صوبائی وزیر تعلیم نے سکولاں نوں امتحانات دی اجازت دیندیاں ہویاں واضح کیتا جے جمعے دے بعد کسے نے خلاف ورزی کیتی تے سکول نوں سیل کر دتا جائے گا۔ مراد راس نے اپنی ایک ہور ٹویٹ وچ واضح کیتا کہ ایہ اجازت صرف لہور، راولپنڈی، ملتان، سیالکوٹ، فیصل آباد، گوجرانوالہ، گجرات تے سرگودھا دے سکولاں نوں دتی گئی اے۔
Load/Hide Comments





















