کورونا: صورتحال چنگی نہ ہوئی تے ہورپابندیاں لگاواں گے، اسد عمر

اسلام آباد (پنجابی میڈیا گروپ) نیشنل کمانڈ اینڈ آپریشن سنٹر (این سی او سی) دے سربراہ تے وفاقی وزیر اسد عمر نے آکھیا اے کہ ملک وچ کرونا وائرس دی صورتحال چنگی نہ ہوئی تے مزید پابندیاں لگاواں گے۔ سماجی رابطیاں دی ویب سائٹ ٹوئٹر اتے اپنے اک پیغام وچ آکھیا اے کہ کرونا کیسز دی مثبت شرح وچ اضافہ ہویا اے جہدے باعث اسپتالاں اتے بوجھ ودھ گیا اے۔ وفاقی وزیر اسد عمرہوراں نے مزیدآکھیا اے کہ این سی او سی دے سربراہ نے عوام نوں پیغام دتا کہ ایس او پیز اتے سختی دے نال عمل کرن۔ایہناں دا مزیدآکھنا سی کہ کورونا صورتحال چنگی نہ ہوئی تے مزید پابندیاں لگاواں گے ۔ کرونا دی نئی قسم تیزی دے نال پھیل رہی اے تے ہلاکت خیز اے۔ایس لوکائی دے نال اپیل اے کہ احتیاط دا دامن ہتھوں نہ چھڈن ۔ ماسک دا استعمال ضروری کرن۔

اپنا تبصرہ گھلو