عمر ان نیازی صاحب قوم نوں گمراہ کرنا بند کرو، احسن اقبال
اسلام آباد (پنجابی میڈیا گروپ) مسلم لیگ (ن) دے رکن قومی اسمبلی وسیکرٹری جنرل احسن اقبال نے آکھیا اے کہ عمر ان نیازی صاحب تساں قوم نوں گمراہ کرنا بند کردیو۔جے تساں اج اک ہزار فلیٹس مزدوراں نوں دتے نیں ‘ایہہ کوئی نئی سائنس نہیں اے ایہدا کم داآغاز 1985ء وچ میاں نوازشریف نے بطوروزیراعلیٰ پنجاب کیتا سی ۔اپنے اک بیان وچ احسن اقبال داآکھنا سی کہ پنجاب ویلفیئر فنڈز دے ذریعے لیبر زکالونی تے مزدوراں لئی فلیٹس وی بنے۔ ایہدے بعد پورے ملک وچ ورکرز ویلفیئر فنڈز دے ذریعے کالونیز تے فلیٹس بنا کے ونڈے گئے۔ اوہناں نے مزیدآکھیا اے کہ تساں کوئی پہلے شخص نہیں اوہ جہناں مزدوراں دی فلاح دا خیال آیا اے۔ پنجاب وچ فلیٹس دے نال اسیں مزدوراں دے بالاں لئی مثالی سکولز تے اسپتال قائم کیتے ۔ تساں پچاس لکھ گھراں دا وعدہ کیتا ایس وعدے دا کیہ ہویا؟تن سال بعد اج تیس لکھ گھر بنے ہونے چاہیدے سن۔ یا زیر تعمیر ہوندے۔ کیہ تساں ایس ناں اتے چھٹکارا حاصل کرلووگے۔ پچھلے وفاقی وزیر داخلہ احسن اقبال ہوراں نے مزیدآکھیا اے کہ تساں لوکائی دی آکھاں وچ مٹی ناں پائو۔ تسے غریباں دے مخلص اوہ تے سرکار چھڈو تے اہل لوکائی نوں کم کرن دیو۔ ایہناں نوں کم کرن دیو تے ایس ملک نوں چلا سکدے ہون۔ ایس ملک نوں مزید نہ اجاڑو۔





















