سانوں لوکاں 5سال لئی مینڈیٹ دتا اے:عمران خان
اسلام آباد(پنجابی میڈیا گروپ)وزیراعظم عمران خان نے آکھیا اے کہ تحریک انصاف دی س رکار بنی تے آکھیا جاندا رہیا ایس ہفتے سرکار گھر چلی جاوے گی۔ اقتدار وچ آئے تے واری واری سرکار جان دی پیشگوئیاں ہوندیاں رہیاں،سانوں لوکائی نے 5سال لئی مینڈیٹ دتا اے ‘اسیں پنج سال لئی آئے آں‘ پانج سال بعد احتساب ہونا چاہیدا اے کہ اسیں ملک تے عوام لئی کیہ کیتا۔ 50 لکھ گھراں دے منصوبیاں وچ سندھ سرکار تعاون نہیں کر رہی۔ بنڈل آئی لینڈ دے معاملے اتے وزیراعظم نے آکھیا کہ قبضہ مافیا دے خلاف ساڈی جنگ جاری روے گی۔ پنجاب سرکار نے قبضہ مافیا کولوں 200 ارب روپے دی ریکوری کروائی۔ تفصیلا ت دے مطابق وزیراعظم عمران خان محنت کش تے مزدوراں لئی چھت دی فراہمی دا وعدہ پور کردتا ،1500فلیٹس دے منصوبے دا سنگ بنیاد رکھ دتا ۔ ایس موقع اتے پودا وی لگایا گیا۔ منصوبے دا سنگ بنیاد دی تقریب دا اہتمام کیتا گیا جہدا آغاز تلاوت کلام پاک دے نال کیتا گیا تے سٹیج سیکرٹری دے فرائض سینیٹر فیصل جاویدہوراں نے سرانجام دتے۔ تقریب دے دوران گھراں دی ونڈ لئی 10خوش نصیباں لئی قرعہ اندازی کیتیت گئی۔ وزیراعظم عمرا ن خان ہوراں نے پرچیاں کڈیاں۔ اکٹھ دے نال خطاب تے میڈیا د ے نال گل بات کردیاں ہویاں وزیراعظم عمران خان نے آکھیا کہ زلفی بخاری تے ورکرز ویلفیئر فنڈ دی ٹیم خراج تحسین پیش کرناں واں ‘پچیس سال پرانے پراجیکٹ نوں حقیقت دا روپ دے کے تساں لوکائی نوں گھر فراہم کردتے نیں جہڑی بڑی وڈی کامیابی اے۔ جہرے لوکائی کدی سوچ وی نہیں سکدے سن کہ اوہ اپنے گھر بنا سکن گے ایہناں لوکائی لئی ساڈے ملک وچ کدی وی کم نہیں ہویا کدی ایس طبقے دا نہیں سوچیا گیا ‘نیا پاکستان نئی سوچ دا ناں اے۔ ایس پروجیکٹ دے نال کنسٹرکشن انڈسٹری توں سبھ توں زیادہ روزگار ملے گا ایہدے نال روزگار وی ملے گا تے ملکی دوست وچ اضافہ وی ہووے گ ا۔ جہدے نال ملک دے قرضے اتارن وچ مدد ملے گی۔ تقریب دے دوران گل بات کردیاں ہویاں سینیٹر فیصل جاوید نے آکھیاکہ عمران خان دا جینا مرنا غریب عوام دے نال اے۔





















