کورونا دی تیجی لہر پھیلن توں نہ رُکی تے ہور سخت پابندیاں لاواں گے: اسد عمر

اسلام آباد( پنجابی میڈیا گروپ) این سی او سی دے سربراہ اسد عمر ہوراں آکھیا کہ ملک وچ کورونا دی صورتحال انتہائی خطرناک ہندی جارہی اے تے اگر عوام نے کورونا ایس او پیز اُتے عمل نہ کیتا تے سخت پابندیاں دا ساہمناکرنا پئے گا۔نیشنل کمانڈ اینڈ آپریشن سینٹر دے اجلاس دے بعد وفاقی وزیر منصوبہ بندی اسد عمر نے پریس کانفرنس کردیاں ہوئیاں آکھیا کہ ملک وچ کورونا دی صورتحال انتہائی خطرناک ہندی جارہی اے،اگے ایس وبا دے پھیلائو وچ ہور اضافہ ہوئے گا، اسی وجہ توں اسیں 2 ہفتے پہلے پابندیاں ودھا دتیاں سن۔اسد عمر نے دسیا کہ لوکاں نوں اندازہ نہیں کورونا دی تیجی لہر کتنی خطرناک اے، کورونا توں بچن لئی جیہڑے فیصلے کیتے گئے نیں اوہناں اُتے عوام ولوںایس طرح عمل نہیں ہورہا جس طرح ہونا چاہیدا سی، پنجاب تے کے پی وچ کورونا وبا دی لہروچ تیزی نال اضافہ ہورہیااے۔

اپنا تبصرہ گھلو