حکومت نوں ٹف ٹائم دین لئی ن لیگ، مولانا تے ہور جماعتاں کافی نیں، مریم نواز
لہور: مسلم لیگ(ن)دی نائب صدر مریم نواز ہوراں آکھیا کہ پہلی وار ویکھیا کہ لیڈر آ ف اپوزیشن سرکاری ارکان نالمل کے بننا، پیودے لوکاں نے پیودے کہن اُتے ووٹ دتا۔
لہور ہائیکورٹ دے باہر میڈیا نالگل بات کر دیاں مسلم لیگ(ن) دی نائب صدر مریم نواز ہوراں آکھیا کہ اک پاسے لوگ آئین تے قنون دی خاطر کوشش کر رہے نیں تے دُجے پاسے لوگ چھوٹے چھوٹے توں فائدے لئی بیانیئے نوں روند رہے نیں، افسوس اے کہ پیپلزپارٹی نے چھوٹے جئے عہدے لئی جدوجہد نوں نقصان پہنچایا، اسیں چھوٹے توں فائدے تے عہدے لئی بی اے پی توں ووٹ لے لیا؟ پہلی وار ویکھا لیڈر آ ف اپوزیشن سرکاری ارکان توں مل کے بننا۔مریم نوازدا کہنا سیکہ آصف زرداری نے آکھیا سی کہ (ن) لیگ تے پی ڈی ایم آکھے تے پنجاب وچ عدم اعتماد کر کے پرویزالہی نوں وزیراعلی بنا دین، نوازشریف ہوراں آکھیا سی کہ آئین تے قنون نے جس دائرہ کار وچ محدود کیتا اسیں وچ رہے،اسیںآئین لئی جدوجہد کرن والے آں۔





















