مودی دا ہندو توا نظریات تے مبنی خواب کدی شرمندہ تعبیر نہیں ہووے گا: وزیراعظم
اسلام آباد: وزیراعظم عمران خان آکھیا اے بھارتی وزیراعظم نریندر مودی دا آر ایس ایس تے ہندوتوا نظریات تے مبنی خواب کدی شرمندہ تعبیر نہیں ہووے گا۔
وزیراعظم عمران خان نال معروف کشمیری کارکن ٹونی ایشاء نے ملاقات کیتی جہدے وچ کشمیریاں تے بھارتی ظلم و ستم تے مسئلہ کشمیر اجاگر کرن دی کوششاں دے حوالے نال گل ہوئی۔
ٹونی ایشاء نے وزیراعظم نوں امریکہ وچ مسئلہ کشمیر اجاگر کرن دے حوالے نال کوششاں توں آگاہ کردیاں آکھیا وزیراعظم ولوں کشمیر دا مسئلہ چُکن نال بھارت دی نام نہاد جمہوریت دا پردہ فاش ہویا، مقبوضہ کشمیر دے عوام وزیراعظم عمران خان دی مسلسل کوششاں تے تہہ دل نال شکر گزار نیں۔
وزیراعظم عمران خان آکھیا عالمی برادری نوں مودی سرکار دے ایجنڈے تے خطے دے امن تے مہلک اثرات دا ادراک کرنا ہووے گا، کشمیر دا مقدمہ ہر فورم تے چُکن تے ایہناں دی آواز بنن لئی پرعزم آں، راشٹریہ سوائم سیوک سنگھ (آر ایس ایس) تے ہندو توا نظریات تے مبنی خواب کدی شرمندہ تعبیر نہیں ہووے گا۔
