مریم پیپلزپارٹی دے خلاف بیان بازی کر رہی اے، ن لیگ حوصلہ رکھے: بلاول

کراچی( پنجابی میڈیا گروپ)پاکستان پیپلز پارٹی(پی پی پی)دے چیئر مین بلاول بھٹو زرداری ہوراں آکھیا کہ مسلم لیگ ن دے دوستاں نوںدرخواست اے تھوڑا جیا پانی پی لو، حوصلہ رکھو، مریم نواز سنے ہوراں لوک پیپلزپارٹی دے خلاف بیان بازی کررہے نیں، مسلم لیگ ن توں بلکل توقع نہیں سی کہ سینیٹ وچ امیدواردی ہار توں بعد خان صاحب ورگا ردعمل دے۔ سلیکٹڈ دالفظ میں دتا تے میں جانداواں کہ اوہ کس اُتےاستعمال ہونا بندا ، کس اُتی نہیں۔کراچی وچ نیوز کانفرنس کردیاں ہوئیاں پاکستان پیپلز پارٹی دے چیئر مین داکہنا سی کہ نہیں جاندا اک جماعت اتناسخت فیصلہ کرے گی، ساڈی جماعت دے کجھ اراکاناں نوںمحسوس ہوئیاکہ پیپلزپارٹی نوںکند نال لایا جا رہیا اے ن لیگی دوستاں توں درخواست اے کہ حوصلہ رکھن، میں نہیں چاہندا کہ پی ڈی ایم نوں کوئی نقصان ہوئے، پارلیمنٹ دے اندر تے باہرحکومت نوں ٹف ٹائم دیاں گے۔

اپنا تبصرہ گھلو