غزل
بیگم شاد چغتائی
ویکھو راہواں دے روڑے مینوں ٹرن نہ دیندے
ایہہ لوبھی سجن نیں مینوں مرن نہ دیندے
ایہناں راہواں وچ رل کے میں تے تھک گئی ربا
پینڈا مکدا ناہیں میرا مینوں چک لے ربا
ایتھے لوڑ نہ میری جی کے کرنا میں کی اے
ہن تے سد لے خدایا من ہار میں لئی اے
ویلا لنگھدا جاوے تینوں ترس نہ آوے
جیہنوں سدناں چاہویں گھڑی دیر نہ لاویں
مینوں رکھ ایتھے دس توں کی بنانا
جدوں سارے جانن ایتھے بندہ پروہنا
دکھ سارے مکا دے ایہہ جندڑی گھٹا دے
مینوں شاؔد بنا دے مینوں شاد بنا دے
