غریب آدمی نوں ہر قسم دا ریلیف فراہم کیتا جائے، وزیراعظم دی نویے وزیرخزانہ نوں ہدایت

اسلام آباد( پنجابی میڈیا گروپ) وزیراعظم عمران خان نے نویے وزیر خزانہ حماد اظہر نال ملاقات کیتی اے۔
ذرائع دے مطابق وزیراعظم عمران خان نے نویے وزیر خزانہ حماد اظہر نال ملاقات کیتی جس وچ وزیراعظم نے اوہناں نوںنویاں ذمہ داریاں سنبھالن اُتے مبارکباد دتی، ایس دے علاوہ ملاقات وچ ملکی معیشت تے مختلف عوامی فلاحی اقدامات اُتے تبادلہ خیال کردیاں ہوئیاںوزیراعظم نے حماد اظہر نوں غریب آدمی لئی ریلیف دے اقدامات دی ہدایت وی کیتی اے۔واضح رہے کہ پچھلے دناں حکومت نے وزیر خزانہ حفیظ شیخ نوں عہدے توں ہٹان تے اوہناں دی جگہ وزارت خزانہ دا قلمدان حماد اظہر نوں دین دا فیصلہ کیتا سی جس توں بعد اج کابینہ ڈویژن ولوں حماد اظہر نوں وفاقی وزیر خزانہ مقرر کیتے جان دا باقاعدہ نوٹیفکیشن جاری کردتا گیا۔

اپنا تبصرہ گھلو