عمران فاروق قتل کیس: گواہواں دی فہرست برطانوی حکومت نوں گھل دتی گئی
اسلام آباد: عمران فاروق قتل کیس وچ ایف آئی اے نے گواہواں دے ویڈیو لنک تے بیان ریکارڈ کران لئی برطانوی حکومت نوں نواں خط لکھ دتا، جہدے وچ ایہناں دی دستیابی دے حوالے نال پچھیا گیا اے۔
وسیلیاں دے مطابق خط وچ لکھیا گیا اے اسلام آباد دی انسداد دہشت گردی عدالت نے لندن وچ پاکستانی ہائی کمیشن وچ ویڈیو لنک دے راہیں انتظامات دا آکھیا اے۔
گواہواں دی دستیابی دے حوالے نال دسیا جاوے۔ فیڈرل انوسٹی گیشن ایجنسی (ایف آئی اے) نے خط دے راہیں گواہواں دی فہرست وی برطانوی حکومت نوں گھل دتی اے۔
